हप्त्यावर वॉशिंग मशीन न दिल्याने संतापलेल्या महिलेने शोरूमच्या कर्मचाऱ्यांना बदडले !

बहराइच (उत्तर प्रदेश), 27 ऑक्टोबर – हप्त्यावर वॉशिंग मशीन घेण्यासाठी आलेल्या एका महिलेला शोरूमच्या कर्मचाऱ्यांनी कर्ज नाकारले, त्यामुळे संतप्त झालेल्या महिलेने आणि तिच्या दोन पुरुष सहकाऱ्यांनी कर्मचाऱ्यांना मारहाण केली. याप्रकरणी पोलिसांनी महिलेसह तिघांवर गुन्हा दाखल केला आहे.

कचरी रोड येथे असलेल्या इलेक्ट्रॉनिक शोरूमच्या मालकाने कोतवाली नगर पोलिस ठाण्यात दिलेल्या तहरीरमध्ये म्हटले आहे की, 22 ऑक्टोबर रोजी एका महिलेसह तीन लोक त्याच्या दुकानातून हप्त्यावर वॉशिंग मशीन घेण्यासाठी आले आणि त्यांनी कर्ज घेण्यासाठी त्यांची कागदपत्रे सादर केली.

तहरीरच्या म्हणण्यानुसार, कागदपत्रे बनावट असल्याचा संदेश आल्यावर शोरूमने महिलेला हप्त्यावर वॉशिंग मशीन न विकण्याचा निर्णय घेतला.

त्यात म्हटले आहे की, महिला तिच्या दोन साथीदारांसह बुधवारी वॉशिंग मशिन घेण्यासाठी दुकानात पोहोचली आणि कर्मचाऱ्यांनी नकार दिल्याने ती नाराज झाली. या महिलेने व तिच्या दोन साथीदारांनी संतप्त होऊन शोरूममधील कर्मचाऱ्यांना मारहाण करत असभ्य वर्तन केले.

कोतवाली पोलिस स्टेशनचे प्रभारी शैलेंद्र सिंह म्हणाले, “या घटनेबाबत संबंधित कलमांतर्गत एफआयआर दाखल करण्यात आला आहे. आम्ही या प्रकरणाची चौकशी करत आहोत.”