मुख्यमंत्री एकनाथ शिंदे निष्ठावंत आमदारांसह पुन्हा गुवाहाटीला जाणार ! काय झाडी, काय डोंगर, एकदम ओक्के !!

मुंबई, 7 नोव्हेंबर – महाराष्ट्राचे मुख्यमंत्री एकनाथ शिंदे आणि बंडखोर आमदार लवकरच गुवाहाटी येथील कामाख्या मंदिराला भेट देणार आहेत, जिथे ते यावर्षी जूनमध्ये शिवसेना नेतृत्वाविरोधात बंड केल्यानंतर गेले होते. एका ज्येष्ठ नेत्याने रविवारी ही माहिती दिली.

ते म्हणाले की, शिंदे आणि त्यांच्यासोबत असलेले नेते कामाख्याहून परत येताना अयोध्येला भेट देतील. उद्धव ठाकरेंविरोधातील बंडात शिंदे यांना पाठिंबा देणारे शिवसेनेचे ३९ आमदार त्यांच्या यात्रेत सहभागी होणार आहेत. शिंदे यांच्यासह शिवसेनेचे काही बंडखोर खासदारही येण्याची शक्यता आहे.

शिंदे गटाच्या एका ज्येष्ठ मंत्री आणि सदस्याने सांगितले की, जूनमध्ये जेव्हा बंडखोर गट गुवाहाटीमध्ये तळ ठोकून होता, तेव्हा ते कामाख्या मंदिरात प्रार्थना करण्यासाठी गेले होते.

ते म्हणाले की, “हिंदू विधींमध्ये, आम्ही देवाला प्रार्थना करतो की आम्ही पुन्हा दर्शनासाठी यावे.” मंत्री म्हणाले की यात्रेचे वेळापत्रक अद्याप ठरलेले नाही. मुंबईला परतण्यापूर्वी आम्ही (कामाख्याहून) अयोध्येला जाऊ, असे ते म्हणाले.