😱 सिडकोतील लॉजमधील गुप्त वास्तव्य उघड! 😱 परदेशी वास्तव्याची गुप्त नोंद; चालक अडचणीत

छत्रपती संभाजीनगर :

एमआयडीसी सिडको परिसरातील व्हाईट हाउस लॉजिंग व रेस्टॉरंटमध्ये उतरलेल्या परदेशी नागरिकांच्या वास्तव्याबाबतची माहिती जाणूनबुजून पोलिसांना न दिल्याप्रकरणी लॉज चालकाविरुद्ध गुन्हा दाखल करण्यात आला आहे.

लॉजमध्ये परदेशी महिलांना आश्रय

पोलिसांनी दिलेल्या माहितीनुसार, आरोपी आकाश नाना त्रिभुवन, वय २९ वर्षे, रा. गल्लीनं. १४, आंबेडकरनगर, एन–७, सिडको, छत्रपती संभाजीनगर हा व्हाईट हाउस लॉजिंग व रेस्टॉरंटचा चालक आहे. सदर लॉजमध्ये उतरलेल्या दोन बांगलादेशी महिलांबाबतची परदेशी नागरिकांची वास्तव्यविषयक माहिती आरोपीने एमआयडीसी सिडको पोलिस ठाण्याला दिली नाही.

परदेशी नागरिकांची माहिती जाणूनबुजून लपविल्याचा आरोप

सदर लॉजमध्ये शामीरन गाजी मोफोजुल गाजी, वय २० वर्षे, रा. शतखीरा गाव, आशासुनी, बांगलादेश आणि पॉली शेख मोहम्मद ओली शेख, वय २० वर्षे, रा. खुलना बेगेरहाट, जिल्हा बेगेरहाट, बांगलादेश या महिला वास्तव्यास होत्या. त्यांची माहिती जाणूनबुजून लपवून त्यांना बेकायदेशीर वास्तव्याकरिता मदत केल्याचा आरोप आरोपीवर आहे.

आदेशाचे उल्लंघन केल्याचा ठपका

या प्रकरणात पोलीस आयुक्त कार्यालयाकडून जारी करण्यात आलेल्या दिनांक २२ डिसेंबर २०२५ रोजीच्या आदेशाचे उल्लंघन केल्याचा ठपका ठेवण्यात आला आहे. सदर आदेशानुसार परदेशी नागरिकांच्या वास्तव्याची माहिती संबंधित पोलीस ठाण्यास देणे बंधनकारक असताना आरोपीने ती माहिती दिली नसल्याचे पोलिस तपासात निष्पन्न झाले आहे.

गुन्हा दाखल, तपास सुरू

या प्रकरणी सरकारतर्फे तक्रार दाखल करण्यात आली असून, पोलीस उपनिरीक्षक भरत पाचोळ यांच्या पुढाकाराने गुन्हा दाखल करण्यात आला आहे. सदर गुन्ह्याचा पुढील तपास त्यांच्याकडे सोपविण्यात आला आहे. घटनास्थळी भेट देणाऱ्या अधिकाऱ्यांमध्ये उपनिरीक्षक राधा लाटे यांचा समावेश आहे. पोलीस ठाण्याच्या प्रभारी अधिकारी म्हणून गीता बागवडे कार्यरत आहेत.