😱 धक्कादायक! रस्त्यावर चालताना थेट उघड्या मॅनहोलमध्ये पडले 💥 २५ फूट खोल उघडा मॅनहोल ठरला जीवघेणा! मुंबईत आणखी एका नागरिकाचा दुर्दैवी मृत्यू 😨

मुंबईतील मुसळधार पावसाच्या पार्श्वभूमीवर साकीनाका परिसरात उघड्या मॅनहोलमुळे आणखी एका नागरिकाचा दुर्दैवी मृत्यू झाला आहे. खैराणी रोड परिसरात रस्त्यावरून जात असताना उघड्या मॅनहोलमध्ये पडल्याने ६० वर्षीय अस्लम इसाक शेख यांचा मृत्यू झाला. गुरुवारी सकाळी सुमारे ११ ते १२ वाजण्याच्या दरम्यान ही दुर्घटना घडली. अस्लम शेख हे यादव नगर परिसरातील रहिवासी होते.

प्राथमिक माहितीनुसार, संबंधित ठिकाणी ड्रेनेज लाईनच्या दुरुस्तीचे काम सुरू होते. पावसाचे पाणी वाहून जाण्यासाठी कंत्राटदाराने मॅनहोलचे झाकण उघडे ठेवले होते. मात्र, सुमारे २५ फूट खोल असलेल्या या मॅनहोलभोवती कोणतेही बॅरिकेड, सुरक्षा व्यवस्था किंवा इशारा देणारा फलक उभारण्यात आला नव्हता.

दरम्यान, मुसळधार पावसामुळे रस्त्यावर मोठ्या प्रमाणात पाणी साचले होते. त्यामुळे उघडा मॅनहोल लक्षात न आल्याने अस्लम शेख चालत असतानाच त्यात पडले. घटनेची माहिती मिळताच स्थानिक नागरिकांनी तातडीने प्रशासनाला कळवले.

यानंतर मुंबई महानगरपालिका, पोलीस आणि अग्निशमन दलाचे पथक घटनास्थळी दाखल झाले. पाण्याचा वेग अधिक असल्याने बचाव आणि शोधकार्य करताना अडचणी निर्माण झाल्या. अखेर अग्निशमन दलाने अथक प्रयत्नांनंतर घटनास्थळापासून सुमारे १०० मीटर अंतरावरील मुख्य वाहिनीतून अस्लम शेख यांचा मृतदेह बाहेर काढला.

या घटनेनंतर परिसरात संतापाची लाट उसळली असून, कंत्राटदार आणि संबंधित प्रशासनाच्या निष्काळजीपणावर प्रश्नचिन्ह उपस्थित केले जात आहे. पावसाळ्यात उघडे मॅनहोल सुरक्षित करण्याबाबत स्पष्ट सूचना असतानाही आवश्यक खबरदारी न घेतल्याचा आरोप होत आहे.

या प्रकरणाची गंभीर दखल घेत प्रशासनाने संबंधित कंत्राटदाराविरोधात सदोष मनुष्यवधाचा गुन्हा दाखल करण्याचे तसेच संपूर्ण घटनेची सखोल चौकशी करण्याचे आदेश दिले आहेत.

Mumbai Rain, Open Manhole, Sakinaka Accident, Khairani Road, BMC Negligence, Mumbai Civic Issue, Aslam Ishaq Sheikh

#MumbaiRain #OpenManhole #MumbaiNews #BMC #BreakingNews