आवाज कुणाचा… शिवाजी पार्कचं मैदान उद्धव ठाकरेंनी जिंकलं, ED सरकारला न्यायालयाचा दणका ! दसरा मेळावा घेण्यास न्यायालयाची परवानगी !!

मुंबई, 23 सप्टेंबर – मुंबई उच्च न्यायालयाने शुक्रवारी मध्य मुंबईतील शिवाजी पार्कवर 5 ऑक्टोबर रोजी वार्षिक दसरा मेळावा आयोजित करण्यास उद्धव ठाकरे यांच्या नेतृत्वाखालील शिवसेनेला परवानगी दिली.

न्यायमूर्ती आर. डी. धानुका आणि न्यायमूर्ती कमल खता यांच्या खंडपीठाने ठाकरे यांच्या नेतृत्वाखालील शिवसेना गट आणि त्यांचे सचिव अनिल देसाई यांनी बृहन्मुंबई महानगरपालिकेच्या आदेशाला आव्हान देणारी याचिका मंजूर केली.

विशेष म्हणजे शिवाजी पार्कवर वार्षिक दसरा मेळावा घेण्यास बीएमसीने शिवसेनेला परवानगी नाकारली होती.

न्यायालयाने म्हटले आहे की, बीएमसीचा हा आदेश “स्पष्टपणे कायदेशीर प्रक्रियेचा दुरुपयोग” आहे.

खंडपीठाने ठाकरे यांच्या नेतृत्वाखालील शिवसेनेला 2 ते 6 ऑक्टोबरपर्यंत शिवाजी पार्क वापरण्याची परवानगी दिली, परंतु त्याच वेळी कायदा व सुव्यवस्था राखण्यास सांगितले.

बीएमसीने 21 सप्टेंबर रोजी सांगितले होते की, ठाकरे यांच्या नेतृत्वाखालील पक्षाचा अर्ज फेटाळत आहे कारण महाराष्ट्राचे मुख्यमंत्री एकनाथ शिंदे यांच्या नेतृत्वाखालील शिवसेनेच्या बंडखोर गटाचे आमदार सदा सरवणकर यांनीही असाच अर्ज केला आहे आणि जर एखाद्या गटाला परवानगी दिली तर ते स्थानिक पोलिसांसाठी कायदा व सुव्यवस्थेचा प्रश्न निर्माण होऊ शकतो.