अ‍ॅपच्या माध्यमातून कर्जाच्या गोरखधंद्याचा पर्दाफाश, पुणे पोलिसांनी प्रथमच नऊ जणांवर मकोका लावला ! एक लाखाहून अधिक लोकांच्या वैयक्तिक तपशीलांशी संबंधित डेटा जप्त !!

पुणे (महाराष्ट्र), 7 ऑक्टोबर – अ‍ॅपच्या माध्यमातून कर्ज देऊन फसवणूक केल्या प्रकरणी प्रथमच अटक करण्यात आलेल्या नऊ जणांविरुद्ध महाराष्ट्र संघटित गुन्हेगारी नियंत्रण कायदा (मकोका) अंतर्गत गुन्हा दाखल करण्यात आला आहे. एका पोलीस अधिकाऱ्याने शुक्रवारी ही माहिती दिली.

कर्नाटकची राजधानी बेंगळुरू येथील कॉल सेंटरवर छापा टाकल्यानंतर कर्ज अॅप फसवणुकीचा पर्दाफाश झाला, ज्यामध्ये 18 लोकांना अटक करण्यात आली आणि एक लाखाहून अधिक लोकांच्या वैयक्तिक तपशीलांशी संबंधित डेटा जप्त करण्यात आला.

ते म्हणाले, “अटक करण्यात आलेल्या आरोपींपैकी एक धीरज पुणेकर आणि त्याचे आठ सहकारी गेल्या 10 वर्षांपासून अशा कर्ज अॅप्सद्वारे खंडणी आणि फसवणूक, गुन्हेगारी धमकी, हेराफेरी आणि इतर बेकायदेशीर कामांमध्ये गुंतलेले असल्याचे आढळून आले.”