तिरुपती बालाजी मंदिर सूर्यग्रहणामुळे 12 तासांसाठी बंद ! विशेष पूजेनंतर भाविकांना मिळाला प्रवेश !!

तिरुपती (आंध्र प्रदेश), 25 ऑक्टोबर – सूर्यग्रहणामुळे आंध्र प्रदेशातील तिरुमला येथील भगवान व्यंकटेश्वराचे मंदिर मंगळवारी सकाळपासून रात्री उशिरापर्यंत सुमारे 12 तास बंद होते.

एका अधिकाऱ्याने सांगितले की, प्राचीन परंपरेनुसार मंदिराचे पुजारी आणि अधिकाऱ्यांनी ग्रहणकाळात मंदिराचे सर्व दरवाजे बंद केले होते.

ग्रहणानंतर, पुजाऱ्यांनी संपूर्ण मंदिर स्वच्छ केले आणि प्रमुख देवता व्यंकटेश्वराची विशेष पूजा केली, असे अधिकाऱ्याने सांगितले.

यानंतर सकाळपासून वाट पाहणाऱ्या भाविकांना मंदिरात जाण्याची परवानगी देण्यात आली, असे अधिकाऱ्याने सांगितले.