साताऱ्यात हाफ मॅरेथॉनमध्ये धावपटूचा मृत्यू ! आधी बेशुद्ध पडला अन् जमिनीवर कोसळला !!
सातारा, 18 सप्टेंबर – महाराष्ट्रातील सातारा येथे रविवारी झालेल्या हाफ मॅरेथॉनमध्ये एका धावपटूचा खाली पडून मृत्यू झाला. पोलिसांनी ही माहिती दिली.
पोलिसांनी सांगितले की, सातारा रनर्स फाऊंडेशन या ना-नफा संस्थेने आयोजित केलेल्या सातारा हिल हाफ मॅरेथॉन (SHHM) दरम्यान ही घटना घडली.
पोलीस आणि कार्यक्रमाच्या आयोजकांनी सांगितले की, शेजारच्या कोल्हापूर जिल्ह्यातील रहिवासी राज पटेल (३२) हा २१ किमी धावण्याच्या काही मीटर आधी बेशुद्ध पडला.
पोलीस अधिकारी म्हणाले की, पडल्यानंतर मॅरेथॉनच्या आयोजकांनी पटेल यांना तातडीने रुग्णालयात नेले, तेथे डॉक्टरांनी त्यांना मृत घोषित केले. आम्ही मृत्यूची नोंद केली असून घटनेचा तपास करत आहोत.
आयोजकांपैकी एकाने सांगितले की पटेल हे एक कुशल खेळाडू होते आणि आंतरराष्ट्रीय स्तरावरील बॅडमिंटनपटू होते.
त्यांनी सांगितले की, रुग्णवाहिकेतील डॉक्टरांनी त्यांचा जीव वाचवण्याचा प्रयत्न केला. पटेल यांना खासगी रुग्णालयात नेले मात्र त्यांचे प्राण वाचू शकले नाहीत.
