वाल्मिक कराड उर्फ आका आणि नितीन कुलकर्णी दोघे मिळून 17 मोबाईल वापरतात ! या मोबाईलमध्ये सगळे पुरावे सापडतील: आमदार सुरेश धस

छत्रपती संभाजीनगर, दि. ५ – वाल्मिक कराड उर्फ आका आणि नितीन कुलकर्णी दोघे जण मिळून १७ मोबाईल वापरतात. या १७ मोबाईलमध्ये सगळे पुरावे सापडतील, असा दावा आमदार सुरेश धस यांनी केला. बीड जिल्ह्यातील मस्साजोगचे सरपंच संतोष देशमुख यांच्या हत्त्येच्या निषेधार्थ पुण्यात काढण्यात आलेल्या जन आक्रोश मोर्चाप्रसंगी उपस्थित जनसमुदायाला संबोधीत करताना आमदार सुरेश धस बोलत होते.

आमदार सुरेश धस उपस्थत जनसमुदायाला म्हणाले की, दोन मोबाईल वापरता असे किती जण आहेत. दोन मोबाईल वापरनारे नगन्य आहेत. पण आमचे वाल्मिक आण्णा उर्फ आका किती मोबाईल वापरतात. १७ मोबाईल नंबर वापरतात. बीडच्या एसपींना आणि सीआयडीचे जे आयजी साहेब यांना माझी विनंती आहे की नितीन कुलकर्णी हा आणि वाल्मिक कराड आका हे दोघे जण मिळून १७ मोबाईल वापरतात.

हा नितीन कुलकर्णी आका आत गेल्यापासून गायब झालेला आहे. माझी विनंती आहे की यांनी कुणा कुणाकडून किती किती माल घेतलेला आहे याचे सगळे पुरावे या १७ मोबाईलमध्ये सापडतील. आणि आत्ताच्या आत्ता माझी विनंती आहे पुणे जिथे काहीच नाही उणे अशा ऐतिहासिक शहरांमधून ही मागणी मी करतोय. की मायबाप सरकारने, मुख्यमंत्री देवेंद्र फडणवीस यांना विनंती करतो, उपमुख्यमंत्री अजित पवार यांना विनंती करतो, की मस्साजोगचे सरपंच संतोष देशमुख यांना न्याय द्या, अशी कळकळीची विनंतीही आमदार सुरेश धस यांनी केली.