🚨🌊 नेपाळमध्ये महाप्रलय! १५० जणांचा मृत्यू, ७६० हून अधिक बेपत्ता; शेकडो भारतीयांचा ठावठिकाणा नाही! 😱

महाप्रलयाने नेपाळ हादरले आहे. तिबेटच्या सीमावर्ती भागात झालेल्या भूस्खलन, भूकंप आणि हिमनदी वितळल्यामुळे भोटेकोशी व त्रिशूली नद्यांना भीषण महापूर आला. या भीषण नैसर्गिक आपत्तीमुळे नेपाळमधील रसुवा, नुवाकोट आणि इतर सीमावर्ती जिल्ह्यांमध्ये प्रचंड हाहाकार माजला असून शेकडोंचा बळी गेला असून हजारो जण बेपत्ता झाल्याची प्राथमिक माहिती आहे.

पुराचे मुख्य कारण आणि तीव्रता, तिबेटच्या हद्दीत ४.४ रिश्टर स्केल तीव्रतेचा भूकंप

वैज्ञानिक संस्थांच्या प्राथमिक अहवालानुसार, तिबेटच्या हद्दीत ४.४ रिश्टर स्केल तीव्रतेचा भूकंप झाला, ज्यामुळे मोठ्या प्रमाणावर हिमस्खलन (Avalanche) झाले. या हिमस्खलनामुळे ल्हेंदे नदीचा प्रवाह अडवला गेला आणि तिथे एक कृत्रिम तलाव तयार झाला होता. हा नैसर्गिक पाण्याचा साठा अचानक फुटल्याने सखल भागात अतिशय वेगाने पाण्याचा लोट थेट भोटेकोशी आणि त्रिशूली नद्यांमध्ये कोसळला, ज्याला ‘फ्लॅश फ्लड’ (Flash Flood) म्हटले जाते.

शेकडोंचा बळी, हजारो बेपत्ता ! जीवित व वित्तहानीचा आकडा

• • मृतांची संख्या: या महाप्रलयात आतापर्यंत १५० हून अधिक लोकांचा मृत्यू झाल्याची पुष्टी झाली असून, ढिगाऱ्याखाली अडकलेल्या मृतदेहांचा शोध सुरू असल्याने हा आकडा आणखी वाढण्याची भीती आहे.
  • बेपत्ता नागरिक: नेपाळ आणि चीन या दोन्ही देशांच्या सीमाभागातून ७६० हून अधिक नागरिक बेपत्ता आहेत, ज्यामध्ये स्थानिकांसह अनेक परदेशी पर्यटकांचा समावेश आहे.
  • भारतीय नागरिक: बेपत्ता लोकांमध्ये शेकडो भारतीय नागरिक असून, त्यातील यात कैलास-मानसरोवर यात्रेसाठी गेलेले यात्रेकरू आहेत. तमिळनाडूतील तंजावर येथील पर्यटकही यात अडकल्याची माहिती आहे.

लहान-मोठे पूल पत्त्त्याच्या बंगल्यासारखे वाहून गेले

पुराच्या प्रचंड प्रवाहामुळे सीमाभागातील १९ मोठी वाहने जाण्यायोग्य पूल (Motorable Bridges), ४५ झुलते पूल आणि सुमारे ४० किलोमीटरचा रस्ता पूर्णपणे वाहून गेला आहे. तसेच, या भागातील सुमारे डझनभर जलविद्युत (Hydropower) प्रकल्पांचे मोठे नुकसान झाले असून यामुळे ४३० मेगावॅटहून अधिक वीज पुरवठा खंडित झाला आहे. हा तुटवडा नेपाळच्या एकूण वीज क्षमतेच्या १२% पेक्षा जास्त आहे.

भारत धावला नेपाळच्या मदतीला, युद्धपातळीवर बचावकार्य आणि भारताची मदत

नेपाळ लष्कर, स्थानिक आपत्ती व्यवस्थापन दल आणि हेलिकॉप्टर्सच्या मदतीने पूरग्रस्त भागात अडकलेल्या नागरिकांना सुरक्षित स्थळी हलवण्याचे काम रात्रं-दिवस सुरू आहे. भारताचे पंतप्रधान नरेंद्र मोदी यांनी नेपाळच्या पंतप्रधानांशी संवाद साधून सर्वतोपरी मदत करण्याचे आश्वासन दिले आहे. भारताकडून तातडीने १० टन मदतसामग्री आणि अत्यावश्यक औषधे घेऊन भारतीय हवाई दलाचे सी-१३०जे (C-130J) हे विमान काठमांडूसाठी रवाना करण्यात आले आहे. तसेच भारतीय दूतावास आणि भारताच्या विविध राज्यांनी अडकलेल्या नागरिकांसाठी २४ तास सुरू असणारे आपत्कालीन हेल्पलाईन क्रमांक जारी केले आहेत.