मुझफ्फरनगर (उत्तर प्रदेश), ६ ऑक्टोबर – बनावट कागदपत्रांच्या आधारे अग्निवीर भरती प्रक्रियेत सहभागी झाल्याच्या आरोपाखाली मुझफ्फरनगर जिल्ह्यात दोघांना अटक करण्यात आली आहे.
पोलिसांनी गुरुवारी ही माहिती दिली. बुधवारी कमल सिंग आणि महकर सिंग नावाच्या दोघांना पोलिसांनी लष्कराच्या गुप्तचर विभागाच्या मदतीने अटक केली होती, असे त्यांनी सांगितले.
ते म्हणाले की, दोघांनीही बनावट कागदपत्रांच्या आधारे अग्निवीर लष्करी भरती प्रक्रियेत भाग घेतल्याचा आरोप आहे. या प्रकरणाची सखोल चौकशी करण्यात येत आहे.
