माझ्या प्रकृतीबाबत ईडीला माहिती नाहीः माजी मंत्री नवाब मलिक यांचा कोर्टात युक्तीवाद
मुंबई, 27 सप्टेंबर – महाराष्ट्राचे माजी मंत्री नवाब मलिक यांनी मंगळवारी येथील विशेष न्यायालयात सांगितले की, फिर्यादीकडे त्यांच्या प्रकृतीबाबत कोणतीही “विश्वसनीय” माहिती नाही.
मलिक (६३) यांच्या प्रकृतीचे मूल्यांकन करण्यासाठी सक्तवसुली संचालनालयाने (ईडी) वैद्यकीय मंडळाची स्थापना करण्याच्या याचिकेवर त्यांनी (मलिक) हे उत्तर दाखल केले.
राष्ट्रवादी काँग्रेस पक्षाचे ज्येष्ठ नेत्याने युक्तीवाद केला की, फरारी अंडरवर्ल्ड डॉन दाऊद इब्राहिम आणि त्याच्या साथीदारांच्या कारवायांच्या चौकशीच्या संदर्भात त्याला (मलिक) ईडीने 23 फेब्रुवारी रोजी मनी लाँडरिंग प्रतिबंधक कायद्यांतर्गत (पीएमएलए) अटक केली होती.
राष्ट्रवादीचे नेते सध्या न्यायालयीन कोठडीत आहेत. किडनीशी संबंधित आजार आणि आरोग्याच्या इतर समस्यांमुळे त्यांच्यावर मे महिन्यापासून मुंबईतील खासगी रुग्णालयात उपचार सुरू होते.
मलिक यांनी त्यांच्या वकिलामार्फत मंगळवारी न्यायालयात लेखी उत्तर दाखल केले.
ईडीच्या अर्जावर कोर्ट ४ ऑक्टोबरला ईडीचा युक्तिवाद ऐकणार आहे.
