आमदार संजय शिरसाट यांना छातीत अस्वस्थता आणि श्वास घेण्यास त्रास, प्रकृती स्थिर असून बरे वाटल्याने मुंबईला हलवले !
आमदार संजय शिरसाट यांना एअर अॅम्ब्युलन्सने मुंबईला नेण्यात आले
औरंगाबाद, 18 ऑक्टोबर – महाराष्ट्राचे मुख्यमंत्री एकनाथ शिंदे यांच्या नेतृत्वाखालील शिवसेना गटाचे आमदार संजय शिरसाट यांना छातीत अस्वस्थता आणि उच्च रक्तदाबाचा त्रास झाला.
एका डॉक्टरने सांगितले की, आमदारांना आरोग्याची स्थिती स्थिर करण्यासाठी काही औषधे दिल्यानंतर त्यांना मंगळवारी सकाळी मुंबईला विमानाने नेण्यात आले.
औरंगाबाद पश्चिमचे आमदार शिरसाट यांना सोमवारी संध्याकाळी छातीत अस्वस्थता आणि श्वास घेण्यास त्रास होत होता. यानंतर त्यांना येथील खासगी रुग्णालयात दाखल करण्यात आले.
रुग्णालयाचे डॉक्टर उन्मेष टाकळकर यांनी एका टीव्ही चॅनलला सांगितले की, आमदाराचा रक्तदाबही वाढला असून त्यांना काही औषधे देण्यात आली आहेत.
शिरसाट यांची प्रकृती स्थिर असून बरे वाटल्याने त्यांना मुंबईला हलवण्यात आल्याचे डॉक्टरांनी सांगितले.
