कार्यक्रमाला निघाले अन् क्षणात उलटलं आयुष्य! गूढ अपघात 😨 तिसगाव–पडेगाव मार्गावर थरार

पाण्याची टाकी कोसळून दुचाकीस्वार दाम्पत्य गंभीर जखमी

छत्रपती संभाजीनगर :

तिसगावकडून पडेगावकडे जात असताना एका आयशर ट्रकमधील पाण्याची टाकी अचानक खाली कोसळल्याने दुचाकीवरून जाणारे दाम्पत्य गंभीर जखमी झाल्याची घटना समोर आली आहे. ही घटना छत्रपती संभाजीनगर शहर हद्दीत घडली आहे.

कार्यक्रमासाठी निघाले असताना अपघात

पोलिसांनी दिलेल्या माहितीनुसार, दिनांक १९ जानेवारी २०२६ रोजी सायंकाळी सहा वाजण्याच्या सुमारास मथुरा सुभाष गणपूरे, वय ६५ वर्षे, व्यवसाय गृहिणी, रा. सत्य साई मंदिराजवळ, गट क्रमांक १६९, सातारा परिसर, छत्रपती संभाजीनगर शहर, या आपल्या पती सुभाष गणपूरे यांच्यासोबत टीव्हीएस आयक्यूब इलेक्ट्रिक मोपेड क्रमांक एम.एच. २० जी.जे. ९५१९ वरून तिसगावकडून पडेगावकडे कार्यक्रमाच्या ठिकाणी जात होत्या.

ट्रकमधील टाकी डोक्यावर पडली

याचवेळी समोरून आयशर ट्रक क्रमांक एम.एच. २८ बी.बी. १२०४ हा पाण्याची टाकी घेऊन जात असताना चालकाने निष्काळजीपणे व हलगर्जीपणे टाकी योग्य प्रकारे न बांधता वाहन चालविले. दुचाकी ट्रकजवळून जात असताना सदर ट्रकमधील पाण्याची टाकी अचानक खाली पडून ती मथुरा गणपूरे व त्यांचे पती सुभाष गणपूरे यांच्या डोक्यावर कोसळली.

दोघेही गंभीर जखमी

या अपघातात दोघेही गंभीर जखमी झाले. अपघातानंतर घटनेची माहिती पोलिसांना देण्यात आली. या प्रकरणी ट्रक चालकाचे नाव व पत्ता माहीत नसून, त्याच्याविरोधात गुन्हा दाखल करण्यात आला आहे.

गुन्हा दाखल, तपास सुरू

या घटनेप्रकरणी दिनांक २१ जानेवारी २०२६ रोजी रात्री ८.५० वाजता गुन्हा रजिस्टर नंबर २९/२०२६ अन्वये भारतीय न्याय संहितेच्या कलम १२५ (अ) व (ब) सह मोटार वाहन अधिनियम १९८८ चे कलम १८४ अंतर्गत गुन्हा दाखल करण्यात आला आहे.

या गुन्ह्याचा पुढील तपास म.पो.ह. १५०१ राजगुरू करत असून, पोलीस ठाण्याचे प्रभारी अधिकारी यांच्या मार्गदर्शनाखाली तपास सुरू आहे.