पुणे: रांजणगावमध्ये 2000 कोटींचा प्रकल्प येणार, पाच हजार युवकांना मिळणार रोजगार, मोदी सरकारची मोठी घोषणा !

नवी दिल्ली, 31 ऑक्टोबर – केंद्रीय राज्यमंत्री राजीव चंद्रशेखर यांनी सोमवारी महाराष्ट्रातील रांजणगाव येथे इलेक्ट्रॉनिक उत्पादन क्लस्टर विकसित करण्याची घोषणा केली. यासाठी 500 कोटींची गुंतवणूक करण्यात येणार आहे.

इलेक्ट्रॉनिक मॅन्युफॅक्चरिंग क्लस्टर्स (EMCs) मध्ये 2,000 कोटी रुपयांहून अधिक गुंतवणूक मिळवण्याचे लक्ष्य आहे. येत्या काही वर्षांत हजारो नोकऱ्या निर्माण होण्याची अपेक्षा आहे.

चंद्रशेखर म्हणाले, “महाराष्ट्राला इलेक्ट्रॉनिक्स हब बनवण्यासाठी आम्ही रांजणगाव, पुणे येथे इलेक्ट्रॉनिक उत्पादन क्लस्टर प्रकल्प मंजूर केला आहे. यामध्ये सरकार सुमारे 500 कोटी रुपयांची गुंतवणूक करणार आहे.

EMC च्या विकासासाठी एकूण 492.85 कोटी रुपये खर्च येणार असून त्यापैकी 207.98 कोटी रुपये भारत सरकार आणि उर्वरित 284.87 कोटी रुपये महाराष्ट्र औद्योगिक विकास महामंडळ (MIDC) द्वारे योगदान दिले जातील.